Seerat e Tayyiba 5

حضرت علی کرم اللہ وجہہ سے کسی نے مسجد کوفہ میں رسول اللہ صلی اللہ علیہ و سلم کا حلیئہ مبارک پوچھا تو حضرت علی رضی اللہ عنہ نے فرمایا

 کان رسول اللہ صلی اللہ علیہ و سلم ابیض اللون مشربا حمرۃ ادعج  العین سبط اشعر کث اللحیۃ سھل الخد ذا وفرۃ دقیق المسربۃ کان عنقہ ابریق فضۃ لہ شعر من لبتۃ  سرتہ یجری کالقضیب لیئس فی بطنہ ولا صدرہ شعر غیرہ شثن الکف ولقدد اذا مشی کانما  ینحدر من صبب و اذا قام کانما ینقلعمن صخر اذا التفت التفت جمیعا کانا عرقہ فی وجھہ اللولو و لریح عرقہ اطیب من المسک الاذفزلئیس با لقصیر  ولا با الطویل ولا با 

العاجز ولا اللنیم لم ارقبلہ والا بعدہ مثلہ صلی اللہ علیہ و سلم۔

رسول اللہ صلی اللہ علیہ و سلم کا رنگ گورا  سرخی مائل تھا ۔گہری سیاہ آنکھیں ڈھیلے بال گھنی داڑھی  رخساروں پر گوشت کم تھا بال گھونگھر والے اور گھنے تھے  سینے سے شکم مبارک تک بالوں کی باریک لکیر تھی۔ آپ کی گردن چاندی کی سراحی جیسی لگتی تھی ہنسلی سے ناف تک بال تھے۔ اس کے سوا آپ کے سینے پر یا بدن پر اور بال نہیں تھے۔ ہتھیلی اور پائوں کے تلوے دبیز تھے۔ جب آپ چلتے تھے تو ایسا لگتا تھا کہ کسی بلندی پر سے اتر رہے ہیں۔ اور کھڑے ہوتے تو پھرتی سے کھڑے ہوتے تھے۔ جب کسی طرف کو مڑتے تو مڑ جاتے تھے۔ آپ کے چہرے پر پسینے کے قطرے موتیوں کی طرح چمکتے تھے اور آپ کے پسینے میں مشک سے زیادہ خوشبو تھی، نہ آپ لمبے تھے نہ کوتاہ قامت تھے۔ نہ آپ کے جسم میں کوئی عیب تھا ۔ نہ ڈھیلے ڈھالے تھے۔ میں نے آپ سے پہلے اور آپ کے بعد کسی کو آپ جیسا نہیں دیکھا۔ صلی للہ علیہ و سلم۔

Seerat e Tayyiba 4

آپ صلی اللہ علیہ و سلم اندھیرے مکان میں نہ بیٹھتے تھے۔فصل کے ابتدائی میوے آپ صلی اللہ علیہ و سلم کی خدمت میں لائے جاتے تھے تو انہیں چومتے تھے اور آنکھوں سے لگاتے تھے اور فرماتے تھے:

اے اللہ جیسے ان کا آغاز ہمیں دکھایا ہے ایسے ہی انکی آخری فصل بھی ہمیں دکھائیو۔

ہدایا قبول فرماتے تھے مگر صدقہ ہرگز نہ لیتے تھے۔ کبھی کوئی مشتبہ چیز تناول نہ فرماتے تھے۔ مٹھائی اور شہد آپ کو بہت مرغوب تھا۔ ہانڈی میں بھی کھا لیتے تھے۔ البتہ پیاز سے رغبت نہ تھی، فرماتے تھے کہ تم لوگ کھاؤ میرے پاس فرشتہ آتا ہےاسلئے میں پرہیز کرتا ہوں۔

اسی طرح گوہ (سوسمار) کا گوشت نہیں کھاتے تھے۔ مگر دوسروں کو اسے کھانے سے منع نہیں فرمایا۔

دنیا کی چیزوں میں سے آپ صلی اللہ علیہ و سلم کو خوشبو، ازواج مطھرات،اور کھانا پسند تھا۔ آپ صلی اللہ علیہ و سلم گھر سے باہر تشریف لاتے تو خوشبو سے راستے مہک جاتے تھے۔

آپ صلی اللہ علیہ و سلم  کو تحفہ میں عطر دیا جاتا تو بہت ہی خوشی اور رغبت سے قبول فرماتے تھے۔ آپ صلی اللہ علیہ و سلم  کی مجلس میں کبھی خوشبؤوں کی دھونی بھی دی جاتی تھی۔

اس کے ساتھ ہی آپ صلی اللہ علیہ و سلم  کی زندگی اتنی سادہ اور کٹھن تھی کہ ابن عباس رضی اللہ عنہ کا قول ہے کئی کئی وقت مسلسل فاقے ہوجاتے تھے۔ عام طور سے جو کی روٹی کھائی جاتی تھی۔ شدت گرسنگی میں پیٹ سے پتھر باندھ لیتے تھے۔ چار چار مہینے تک گینہوں کی رہتی کھانے کا موقعہ نہیں ملتا تھا۔ پڑوس کے انصاری کبھی ہدیہ میں دودھ بھیج دیا کرتے تھے تو اسی پر گزر ہو جاتی تھی۔ آپ نے کبھی متواتر دو وقت کا کھانا پیٹ بھر کر نہیں کھایا۔

آپ صلی اللہ علیہ و سلم  کا وصال ہوا تو آپ صلی اللہ علیہ و سلم کی ایک چادر ایک یہودی کے پاس ایک وسق (وزن) جو کے بدلے میں گروی رکھی ہوئی تھی۔

 مگر یہ معاشی حالت فتح خیبر سے پہلے تھی۔ جب اموال خیبر آئے تو آپ صلی اللہ علیہ و سلم کی اور اصحاب کی معاشی حالت نسبۃ بہتر ہو گئ تھی۔

Seerat e Tayyiba 3

آپ کھانا کبھی تکیہ لگا کر نہیں کھاتے تھے اور تین انگلیوں سے کھاتے تھے۔ راستے میں بچوں تک کو سلام فرماتے تھے۔ کسی کے جنازے میں شرکت کے لئے کبھی سواری پر نہ جاتےتھے۔ فرماتے تھے کہ اللہ کے نزدیک سب سے زیادہ محبوب عمل وہ ہے جس میں دوام ہو، خواہ وہ عمل قلیل ہی کیوں نہ ہو۔

Seerat e Tayyiba 2

آں حضرت صلی اللہ علیہ و سلم کی مجلس میں دنیا کی باتیں بھی ہوتی تھیں۔ آپ کے سامنے اشعار پڑھے جاتے تھےلوگ ہنستے تو آپ تبسم فرماتے تھے۔ مسجد میں دور جاہلیت کے اشعار اور حکایات بھی سنائی جاتی تھیں، آپ ان سے کبھی تنفر کا اظہار نہ فرماتے تھے۔

آں حضرت کا کلام فصیح و بلیغ تھا۔ ٹھہر ٹھہر کر کلام فرماتےتھے۔ جابر بن عبدللہ رضی اللہ عنہ نے کہا کہ حضور کے کلام میں ترسیل و ترتیل تھی۔ یعنی ما فی الضمیر کو پوری طرح ادا فرماتے اور الفاظ کو وضاحت سے ٹھہر ٹھہر کر بولتے تھے۔ خطبہ ارشاد فرماتے وقت آپ کی آنکھیں سرخ ہو جاتی تھیں، آواز بلند ہو جاتی تھی اور اس میں زور پیدا ہو جاتا تھا۔

انس بن مالک رضی اللہ عنہ کہتے ہیں: جب آں حضرت سے کوئی شخص ملتا اور مصافحہ کرتا تھا تو جب تک وہ شخص خود اپنے ہاتھ علیحدہ نہ کر لیتا تھا حضور دست مبارک نہ کھینچتے تھے اور جب وہ رخصت ہوتا تھا تو جب تک وہ منہ نہ پھیر لیتا تھا آں حضرت اپنا روئے مبارک اس کی طرف سے نہ پھیرتے تھے۔ 

راستے میں آپ تیز تیز چلتے تھے اور ادھر ادھر نہ دیکھتے تھے۔

حضرت ابو ہریرہ رضی اللہ عنہ کہتے ہیں

ما رایت احدا اسرع فی مشیتۃ من النبی صلی اللہ علیہ و سلم

کانت الارض تطوی لہ انا لنجھد و ھو غیر مکترث

میں نے چلنے میں رسول اللہ صلی اللہ علیہ و سلم سے زیادہ تیز رفتار کوئی نہیں دیکھا۔ ایسا معلوم ہوتا تھا کہ آپ کے لئے زمین لپٹی جا رہی ہے۔ ہم کوشش کرکے بھاگتے تھے اور وہ 

بے تکلف چلتے تھے۔

Seerat e Tayyiba

Trying  to present some of the parts of this Book on Seerah based on Ibn Sad's accounts.

 قدیم اور مستند مؤرخ ابن سعد کی روایت    

آں حضرت کے فضائل و اخلاق اور سیرۃ طیبہ

آں حضرت  صلی اللہ علیہ و سلم کے فضائل و محامد اخلاق و شمائل جو ابن سعد کی جمع کردہ روایات سے ظاہر ہوتے ہیں ان کا ایک قابل ذکر پہلو یہ ہے کہ ان میں کہیں مبالغہ یا تصنع کا شائبہ نہیں ہے۔راویوں نے آں حضرت صلی اللہ علیہ و سلم کی جو صفات عالیہ بیان کی ہیں وہی ہیں جو ہم آپ کے اعمال و افعال میں مشاہدہ کرتے ہیں۔ ایک مشہور روایت ہے کہ حضرت عائشہ  رضی اللہ عنہا سے پوچھا گیا کہ حضور  صلی اللہ علیہ و سلم کے اخلاق بیان کریں تو انھوں نے فرمایا کہ  آپ کا اخلاق قرآن تھا۔

یعنی جو کچھ قرآن میں لکھا ہے وہ آں حضرت صلی اللہ علیہ و سلم کا عمل تھا۔ اس سے زیادہ مختصر اور جامع تبصرہ سیرۃ طیبہ پر شاید نہ کیا جا سکے۔ کتب رجال سے حضرت عائشیہ رضی اللہ عنہا کی فصاحت و بلاغت کی گواہی ملتی ہے۔ اور سیرۃ نبوی پر ان کا یہ تبصرہ اس کی مثال ہے۔

حضرت انس رضی اللہ عنہ نے فرمایا کہ آں حضرت صلی اللہ علیہ و سلم تمام انسانوں میں بہترین اخلاق والے تھے۔کبھی سڑک پر زور سے گفتگو نہ فرماتے تھے۔ فحش کا شائبہ بھی 
نہ تھا۔ برائی کا بدلہ نہیں لیتے تھے بلکہ درگزر فرماتے تھے۔
زید بن ثابت رضی اللہ عنہ سے سیرۃ کے بارے میں سوال کیا گیا تو انھوں نے کہا کہ میں آں حضرت صلہ اللہ علیہ وسلم کے پڑوس میں رہتا تھا اور جب وہی نازل ہوتی تھی تو میں ہی لکھتا تھا۔ جب ہم دنیا کا ذکر کرتے تھے تو رسول اللہ صلہ اللہ علیہ و سلم ہمارے ساتھ شریک ہوتے تھے۔ کھانوں کا تذکرہ ہوتا تھا تو آں حضرت صلہ اللہ علیہ و سلم بھی ہماری باتوں میں حصہ لیتے تھے، اور کیا کیا بتاؤں؟

ہشام بن عروۃ نے حضرت عائشہ کی روایت سے بیان کیا کہ حضور صلہ اللہ علیہ و سلم گھر میں ہوتے تھے تو اپنے کپڑوں کو پیوند خود لگا لیتے تھے۔ اور اپنے جوتے کی مرمت خود کر لیا کرتے تھے۔ آں حضرت صلہ اللہ علیہ و سلم نے جہاد فی سبیل اللہ کے سوا کبھی اپنے ہاتھ سے کسی مرد یا عورت کو نہیں مارا۔ جب آپ کے سامنے دو راستے ہوتے تھے تو جو آسان ہوتا اسے اختیار فرماتےتھے۔ آپ شرم و حیا میں کنواری لڑکیوں سے زیادہ شرمیلے تھے۔

آپ کا چہرہءمبارک ایسا آیئنہ تھا کہ جب کوئی بات ناگوار ہوتی تھی آپ کے چہرے پر تاثرات سے معلوم ہو جاتا تھا۔

آپ سے کسی سائل نے کوئی سوال کیا تھا تو آپ نے اسے "نہیں" کہ کر نہ جانا۔ ہر ایک کا سوال پورا کرتے تھے۔ اگر آپ کو کوئی کام نہ کرنا ہوتا تھا تو انکار نہ فرماتے تھے، خاموشی اختیار کر لیتے تھے۔ بیت الخلاء سے باہر تشریف لاتے تو وضو فرماتے تھے۔

آپ کی بے تکلفی کا حال یہ تھا کہ بے پالان کے گدھے پر سواری کرتے اور غلام کے گھر دعوت ہوتی تو تشریف لے آتے۔ کھانے کے بعد اپنی انگلیاں چاٹ لیتے تھے۔ اپنی بکری کو اپنے ہاتھ سے باندھتے تھے۔ آپ کی تعلیم ترک دنیا کی نہیں تھی۔ چنانچہ آپ نے فرمایا:

"میں نماز پڑھتا ہوں ،سوتا ہوں، روزہ رکھتا ہوں، افطار کرتا ہوں، نکاح کرتا ہوں، جو کوئی میری سنت سے انحراف کرے وہ میری امت میں سے نہیں ہے۔"

The Role of Muslims in modern India- Last Part

ہندوستان کی اکثریت نسل پرست ہے، اکال الامم ہے، اس کی تہزیب میں جارحیت ہے،وہ احیاء پرستی کے نام پر تاریخ کے دھارے کو موڑنے کی کوشش کر رہی ہے، مگر مسلمانوں کو بھی یہ سمجھ لینا چاہئےکہ وہ اسے صرف اپنے اعلی تصور اقدار اور کردار سے مفتوح بنا سکتے ہیں۔ اس میں سب سے اہم،دیر پا اور دور رس عمل تصوف کا ہوگا۔ ہماری خانقاہیں بہت بڑی تجربہ گاہیں اور ہمارے افکار کی نفاست اور نظافت کا دل موہ لینے والا نمونہ بن سکتی ہیں، بشرتہ کہ ہم انہیں اپنی قومی شیرازہ بندی اور ہمسایوں سے تعلقات بہتر کرنے کے لئے استعمال کرنا چاہیں۔ مگر افسوس ہے کہ خانقاہیں تو ختم ہو گئیں، درگاہیں رہ گئی ہیں، ان کی اصلاح کرنا آسان نہیں، کیونکہ اس سے مہتوں کی روزی وابستہ ہے۔ اس المیہ کا ایک رخ یہ ہے کہ خانقاہوں سے علم اٹھ گیا ہے اور علماے تصوف نا پید ہو گئے۔ ورنہ ابتدائی صدیوں میں اسلام دی سب سے زیادہ خدمت صوفیہ ہی نے کی ہے اور اسے یہاں مقبول بنایا ہے۔ یہ صوفیہ عالم دین بھی ہوتے تھے،اسلئے ان کی تربیت میں گہری تاثیر ہوتی تھی۔

ہندوستانی سماج میں رہ کر ہمیں ایک نہایت اہم نکتے کو بھی سمجھنا ہوگا جسے ہمارے صوفیہ نے خوب سمجھا تھا، لیکن علماء نے اس کی کبھی حوصلہ افزائی نہیں کی، اور وہ علاقائی زبانوں کی قوت و اہمیت اور اثر ونفوذ کے سمجھنے کا مسئلہ ہے۔ شیخ نجم الدین کبری نے مرصاد العباد کی وجہ تالیف میں لکھا ہے کہ "افعل ولا تفعل کہنے سے زیادہ مؤثر یہ ہے کہ کن یا مکن کہا جائے"۔

عربی بلا شبہ قرآن کی زبان ہے۔ اسلام کا بنیادی سرمایہ بھی اسی زبان میں ہے اور اس نے ملی وحدت کو باقی رکھنے میں بھی نہایت اہم رول ادا کیا ہے، لیکن مسلمان ہونے کے لئے عربی جاننا لازمی نہیں ہے۔ پچھلی صدیوں میں ہمارے علماء نے اگر علاقائی زبانوں کو سمجھا ہوتا تو آج ہندوستان کا نقشہ ہی دوسرا ہوتا۔ یہاں بعض ایسے مذاہب بھی پیدا ہوئے جن پر اسلامی تعلیمات کا گہرا اثر ہے، مگر وہ اسلامی دھارے سے اس لئے کٹ گئے کہ ہم انہیں صرف عربی پڑھانا چاہتے تھے۔اگر ہم نے اب بھی علاقائی زبانوں سے بے گانگی کا رویہ باقی رکھا تو اس کا نقصان بھی خود ہمیں ہی پہنچے گا۔

مسلمانوں نے انگریزی تعلیم کو قبول کرنے میں بہت دیر کر دی تھی۔ ورناکیولر مدارس کا جال جو میکالے رپورٹ کے بعد پھیلایا گیا تھا، اس میں مسلمان بچیوں کی تعداد صفر تھی اور مسلمان بچے بھی بہت کم شریک ہوئے تھے۔ مگر جب ورناکیولر مدارس سے پڑھے ہوئے لوگوں کو روزگار ملنے لگے تو مسلمانوں کا کسی قدر التفات ادھر ہوا۔ اعلی تعلیم کے سارے شمالی ہند میں دو ہی کالج تھے۔ غیر مسلموں کے تعلیمی ادارون کی تعداد بہت ہو چکی تھی اور جب وہ جامعاتی تعلیم کی حدوں میں آ چکے تھے، تب ہم نے مڈل کلاس تک پڑھنا سیکھا تھا۔ نئے قومی تعلیمی منصوبوں کو اپنانے میں بھی اگر ایسی ہی بے التفاتی کا مظاہرہ کیا گیا تو اس سے ہندوستانی مسلمانوں کی پسماندگی نا قابل اصلاح حد تک پہنچ جائے گی۔ ہمیں اپنے تعلیمی ادارون کی طرف پورے خلوص و انہماک سے توجہ کرنی ہوگی اور یہ اصلاح ابھی ثانوی کے مرحلے تک ہونی بہت ضروری ہے۔

خلاصہء کالم یہ کہ مسلمانوں کو اپنی تہزیبی انفرادیت اور اپنی شناخت باقی رکھتے ہوئے پورے ہندوستانی سماج کا ایک مفید اور فعال عنصر بننا ہے اور اپنے گرد و پیش پر پورے شعور کے ساتھ غور کرنا ہے، ورنہ سنت الہیہ نہ کسی لے لئے بدلی ہے، نہ وہ مسلمانوں کے لیے بدلنے والی ہے۔

یہ مقالہ مرکزی اسلامی حیدرآباد کے عالمی سمینار (یکم،2،3 اگست 1986ء) کے موقعہ پر پڑھا گیا۔  

The Role of Muslims in modern India-4

مسلمانوں کے اندرونی اجتماعی نظام میں زکاۃ کا ادارہ ایک ایسا انسٹیٹیوشن ہے جس کی مثال کسی دؤسرے مذہب میں نہیں ملتی۔ یہ ملت کی معاشی مساوات کا ضامن بھی ہے اور کمزور افراد کو سماجی تحفظ بھی فراہم کرتا ہے، مگر افسوس ہے کہ ہم نے اجتہاد کا دروازہ خوف سے اور زکاۃ کے مرکزی نظام کا دروازہ لالچ کی وجہ سے بند رکھا ہے۔

اب اس مرکزی نظام کا احیاء تو آسان نہیں ہے، لیکن کاش ہم نے اپنے اوقاف ہی کو نظم و ضبط اور امانت و دیانت کے ساتھ چلا لیا ہوتا۔ صرف دہلی شہر کے بارے میں اندازہ ہے کہ کم سے کم تین سو کروڑ کی مالیت کے مسلم اوقاف موجود ہیں جن کی ماہانہ آمدنی تین لاکھ بھی نہیں ہے۔ اسی سے پورے ہندوستان کے اوقاف کا حال سمجھ لیجیے۔

فطرت کے اصول یہ ہے کہ جو مخلوق کمزور ہو، خطرات میں گھری ہوئ ہو، اس میں دفاعی قوت پیدا ہوجاتی ہے۔ وہ زیادہ نظم اور اتحاد کے ساتھ زندگی گزارتی ہے،انسانی معاشرہ میں بھی یہی اصول کا فرما ہے، صرف یہودیوں کی مثال کافی ہے، جو عددی حیثیت سے بہت قلیل ہیں مگر ان کی اس کمزوری نے ساری مخفی صلاحیتوں کو بیدار کر دیا ہے، اور سچ پوچھئے تو آج کی دنیا پر یہودی ذہن کی حکمرانی ہے۔ اس صدی کا سب سے بڑا اور چھا جانے والا معاشی فلسفہ کمیونزم ایک یہودی ذہن کی پیداوار ہے، اسی طرح سائنس اور ٹیکنالوجی میں سب سے بڑا نام آین اسٹائن بھی ایک یہودی ہی ہے۔ امریکہ کی معیشت پر یہودی گرفت اتنی مضبوط ہے کہ صدارتی انتخاب کا امیدوار بھی الکشن لڑنے سے پہلے یہودیوں کو دم دلاسے دیتا ہے، اور امریکی کانگریز یہودیوں کے مفادات کے خلاف کوئ فیصلہ نہیں کر سکتی۔

لیکن مجھے سخت حیرت ہے کہ ہندوستانی مسلمان اس فطری اصول کے خلاف کیوں جا رہا ہے؟  ہماری صفوں میں اتحاد کیوں نہیں ہے؟

ہماری ملی اور اجتماعی غیرت بیدار کیوں نہیں ہوتی؟ ہم کیوں اپنے ہی خول میں سمٹے جا رہے ہیں؟ اس کے کچھ اسباب سمجھ میں آتے تو ہیں مگر۔۔۔

افسوس بے شُمار سخن ہائے گفتنی

خوفِ فسادِ خلق سے ناگفتہ رہ گئے

ہم اپنے گرد و پیش سے مفاہمت تو کیا کرتے، اپنی مرضی کے خلاف کچھ سننے کے رودار بھی نہیں رہے۔ ہر جماعت نے امت کی فلاح کا "واحد نسخہ" سوچ رکھا ہے اور اس کے سوا کسی دوسرے نسخے کا تذکرہ سننا بھی اسے گوارا نہیں اور یہ اس کی علامت ہے کہ ہمارے ذہنوں کی کھڑکیاں بند ہو چکی ہیں۔ یہ طرز فکر مطلق العان شہنساہیت کے زمانے میں تو کارآمد تھا لیکن اس جمہوری دور میں اس کے منافع بھی اپنی معنویت کھو چکے ہیں۔ جس نے عالم کی بنیاد حقیقت یعنی " تغیر" کو تسلیم نہیں کیا، وہ زمانے کے ساتھ چل سکتا ہے، نہ مسائل کا 

حل پا سکتا ہے۔ یہی نکتہ اس ارشاد عالی میں بھی پوشیدہ ہے:

ان اللہ لا یغیر ما قوم حتی یغیروا ما بانفسہم۔   الرعد 11  

بے شک الله کسی قوم کی حالت نہیں بدلتا جب تک وہ خود اپنی حالت کو نہ بدلے

نئے ہندوستان کے سماج میں باعزت زندگی گزارنے کے لئے ہمیں اپنے انداز میں کچھ تبدیلی تو ضرور کرنا ہوگی ورنہ جو شے لچکتی نہیں وہ ٹوٹ جاتی ہے۔ یہی قانون فطرت ہے:

و لن تجد لسنتہ اللہ تبدیلا ۔     فاطر3 4

 اورتو الله کے قانوں میں کوئی تغیر نہیں پائے گا